Irene Grau. dia incohérent

Irene Grau propón unha inmersión na monocromía desde unha perspectiva humorística, levando ao extremo as posibilidades da pintura. Se hai uns anos, na Fundación DIDAC, Irene Grau paseaba polos espazos verdes de Santiago de Compostela vestida integramente de verde e portando un cadro verde para xerar unha pintura entendida como fenómeno da mirada e como pensamento que antecede á obra ela mesma, agora, en Appleton en Lisboa, propón un día incoherente que integra pequenas accións pictóricas cotiás impregnadas de azul. Esta fisura perceptiva serve para mergullarnos nunha especie de viaxe trepidante e inexorable a través da historia da arte.