Contos de arte e deseño. Un paseo pola Fundación DIDAC

Contos de arte e deseño. Un paseo pola Fundación DIDAC é un libro para aprender divertíndose, crear e reflexionar. Trátase dunha serie de contos escritos pola mediadora Alba Cacheda que fai unha análise polas diferentes etapas dunha exposición (montaxe, comisariado, transporte, talleres,…) á vez que vai realizando un percorrido por unha selección de exposicións realizadas na Fundación DIDAC. Cada conto inclúe unha proposta de actividades para realizar en familia, a través das que aprender diferentes técnicas e linguaxes artísticas. Destaca o seu deseño ameno de @dardo.gal, con ilustracións de @mariadilemas, para que o público máis novo pase un rato agradable mentres coñecen como crean e traballan os artistas contemporáneos.