Mery Pais. Lei Eterna

O traballo da artista compostelá Mery Pais propón unha reflexión sobre as barreiras relixiosas e culturais. Lei eterna foi unha acción performativa levada a cabo na Praza da Quintana, na que se reivindica o achegamento entre crenzas escenificado coma un acto relixioso multicultural. 

Os participantes camiñan ataviados cunhas fundas negras que os tapan totalmente, despoxándoos da súa identidade ata o momento no que todos se descobren ao unísono e revelan os interiores das vestimentas, forradas en coridas teas asociadas a diversos credos.

Esta colección de crisálidas foi a peza central da exposición Lei eterna, para a cal se edita o catálogo. O obxectivo era dar continuidade editorial ao proxecto performativo e expositivo, deixar un rexistro táctil dunha acción efémera.

A artista buscaba incluír dalgún modo os retais sobrantes da confección dos traxes na publicación, así que optamos por vestir cada libro cun fragmento desas teas e facer de cada exemplar unha peza única.

O volume comeza co rexistro do proxecto Lei eterna para repasar a continuación outros proxectos anteriores relacionados tematicamente.